موضوع النهارده عن استغلال حاجه موجوده عندنا كلنا بلا استثناء
وهى
(((زجاجات مسحوق غسيل الاطباق فيرى)))
كنت برميهم لحد ما جت فى بالى فكره ونفذتها الحمد لله
عملت المعلقه دى
ممكن تحتفظى فيها بحاجات كتير هوريهالك بالصور بس بعد ما اقول الطريقه
الطريقه:::::
اول حاجه قصيت الزجاجات حسب المقاس اللى انا عاوزاه باستخدام الكاتر
استخدمت قماش الفازلين ده فى تغليف العلب
واستخدمت الورق المطبوع من النت فى تزيين العلب
دهنت العلب غرا ابيض وشديت عليها القماش وبعد ما نشفت خلاص
لزقت القلوب دى بالغرا وفوقيها كمان دهنت غرا
وحطيت شريط ستان احمر على العلب من فوق وتحت
وبقى شكلهم كدا
بعد كده جبت قطعة كرتون ( كرتونة نتيجه)
وغلفتها بالقماش الاحمر باستخدام دباسة الخشب دى
او ممكن بالغرا او مسدس الشمع عادى كله ينفع
يعد كده ثبت العلب على قطعة الكرتون بالشكل ده
انا دبست العلب فى الكرتونه بالدباسه برده
علشان تبقى متينه وتشيل حاجات تقيله
وزينتها بشوية قلوب قصيتها من القماش الاسود
وعملت لها اطار برده من القماش الاسود
وبقى ده شكلها النهائى
نيجى بقه لاستخدامتها
ممكن تحطى فيها الميكب بتاعك او ادوات العنايه اليوميه بتاعتك
او ممكن يتحط فيها الادوات الدراسيه زى الاقلام وغيره
وتتعلق على حيطة المكتب
او ممكن تحطى فيها الريموتات اللى بنقضى نص عمرنا ندور عليها
وكشافات الاضاءه الصغيره او اى حاجه بتحتاجيها دايما تبقى ادامك
يعنى تشيل اى حاجه وماتقولش لاء
الأحد مارس 15, 2015 2:03 pm من طرف ميرولا
