ازى بابا يسوع موجود فى كل مكان ؟؟؟؟؟

شمس البر وشمس الحر سأل احد الابناء ابيه قائلا
هو يابابا ازى بابا يسوع فى كل مكان
يعنى ازاى معايا فى المدرسه وكمان مع اختى فى الكليه ده حتى موجود مع ناس كتير
انا عايز اعرف ازاى

فكر الاب قليلا وكانت اجابته اكثر من رائعه

بص يا حبيبى الشمس بتطلع عندنا كل يوم وزى ما بتشرق عندنا بتشرف عند الجيران كمان بتشرق فى المدرسه وكمان فى الكليه عند اختك
ومش كده وبس
دى بتشرق فى القاهرة وكمان واسكندريه وجميع المحافظات
صح ولا انا كلامى غلط

اجاب الابن
كلامك مظبوط يا بابا

عاد الاب وقال
الشمس اسمها شمسالحر
وربنا هو شمس البر اللى بيشرق فى كل قلب وفى كل مكان وفى كل زمان