افكار جديده لسندوتشات الاطفال للمدرسه بالصور
أكتر حاجه بتحير الامهات أيام الدراسة هي سندويتشات الاطفال .. خاصه انهم بيحبوا التجديد كل شويه ولأنها شيء ضرورى مينفعش نهمله هنقدم ليكى افكار متنوعه عشان متحتاريش كل يوم هتعملى ايه سندويتشات لطفلك ويعجبه :
الفكره الاولى
لازم ننوع لطفلنا من فاكهه وخضار وسندوتشات ونجيب علب صغيره نحط فيها كل حاجه ونقفلها هيحبوها الاطفال وهيحسوا بالتنوع ومثال لكده :
نحط في علبه شويه مكسرات زى جوز ولوز وعين جمل ” يساعدوا الطفل على المزاكره والتحصيل ويحموا خلايا المخ ”
وفى علبه تانى شويه خس مع قطعه من كوسه بالباشميل صغيره ممكن تكون باقيه من وجبه الغذاء اللي عملتيها اليوم اللي قبله .
وفى علبه تالته نحط حاجه يحلى بيها الطفل وتكون مغذيه زى قطعه من كيكه الزبادى ” الطريقة : اخلطى كوب بيض مخفوق مع كوب من السكر ورشه فانيليا واخفقى حتى تحصلى على رغوة ثم ضيفى كوب دقيق بالتدريج واخفقى ثم علبه زبادى واخفقى ثم في النهاية ضيفى ربع كوب زيت واخلطيهم معا وفى صينيه مدهونه سمنه حطيها في فرن ساخن 180 درجه لمده 20 دقيقه” .
الفكره الثانية
في علبه نحط شويه كشرى ” تمد الطفل بكل النشويات الضرورية للحصول على الطاقة اللازمة في يومه الدراسى ” ومعاها فطائر محشيه سبانخ وجبنه شيدر او جبنه بيضا بيبقى طعمها حلو ومغذيه
وفى علبه تانيه نحط قطع من المانجو مع شويه مكسرات.
الفكره الثالثة
في علبه نحط سندوتش صغير بيض مقلى بالطاطم والفلفل الاخضر غنى بفيتامين سى ومغذى مع شرائح خيار مقشره .
وفى العلبه الثانية نحط كب كيك شيكولاته يحلى بيها
مع عصير فواكه ومكعب جبنه كيرى او أي جبنه مثلثات بيحبها طفلك وطبعا منشاش زجاجه الميه خاصه تحمى الطفل من الجفاف في الجو الحار وعند التعرض للشمس.
لفكره الرابعة
في علبه نحط فطيره محشيه خضار وسندوتشات على شكل لفائف سوشى ” الطريقة : جيبى العيش التوست وافرديه بالنشابه اللي بتفردى بيها العجائن واحشيها بالتونه والخس وممكن كل يوم تحشيها حاجه لان الاطفال هيحبوها جدا كفكره لذيذه للسندوتشات ولفيها زى الشوسى او السويسرول وقطعيها كل قطعه تكفى لقمه مع قطع خيار وفلفل احمر .
وفى علبه تانى نحط كيكه مخبوزة بالدقيق الاسمر مع قطع تفاح مقشر
الفكره الخامسة
في علبه حطى كوكيز عين الجمل مع شرائح الجبنه الشيدر واعمليها باشكال علىشان ياكلوها الولاد مثلا شكل ورده مع لفائف الاومليت بحشو جبنه ” بعد ما تعملى الاومليت ادهنيه جبنه من ناحيه واحده ولفيها رول وقطعيها لقم صغيره وقدمى معاها قطع طماطم .
وفى علبه ثانيه : حطى شرائح فواكه وليك تفاح وكيوى ” الكيوى يحتوى على فيتامين سى اربع اضعاف البرتقال”
وحطى قطع بسكوت معها وممكن نحط علبه زبادى او زبادو بالفواكهه لذيذ ومغذى .
منقول
الأحد مارس 15, 2015 2:03 pm من طرف ميرولا
