اطلبه تجده في الحال

قصة واقعية بس حقيقي اغرب من الخيال
في مدارس الأحد تعلمت الطفلة ساندي ان الله موجود في كل مكان وان في اي وقت نطلبه نجده
سمعت ساندي هذه الجملة وأمنت بها جدا جدا
وكانت تتكلم مع يسوع بأستمرار وتصلي امامه وتطلب منه كل ما تريده
وفي احدي المرات تم سرقة سيارة والدها فعاد للمنزل وهوفي قمة الألم فقص عليهم ماحدث فذهبت الطفلة لصديقها يسوع تقول له
سيارة بابا اتسرقت يابابا يسوع وعارفه ان محدش هيرجعها غيرك ثم خرجت الي والدتها بعد جلوسها في الغرفة فترة حوالي نصف ساعه وقالت لوالدتها
بابا يسوع قالي انه هيرجع العربية خلاص
فأبتسم الاب من براءة ابنته ولكن الصدمة الكبري
عندما ينزل الأب في صباح يوم جديد الي الشارع فيجد سيارته في الشارع تنتظره فشكر الرب علي مافعله معه .. وندم انه لم يصلي الي الرب من البداية كما صلت ابنته
وكالمعتاد كانت كل يوم قبل ان تنام تقف امام صورة يسوع وتقول له بابا يسوع انا هنام عاوز مني حاجه ؟؟
بص لو عايز حاجه صحيني انا هصحي علي طول
وتذهب الي فراشها كي تنام
وفي الصباح تأتي والدتها تيقظها من نومها كي تذهب الي المدرسه وتعطيها كيس به ساندوتشات كي تاكلها في الفسحة
بجوار مدرسة ساندي كنيسة كبيرة
كانت ساندي تدخل الكنيسة وتضع امام صورة المسيح سندوتشاتها وتقول له صباح الخير يابابا يسوع ده اكلك بتاع النهارده عايزاك تخلصه كله كله لوحدك وتترك الطعام وتذهب الي المدرسة
وظل يتكرر هذا الحدث يوميا لمده دامت اكثر من شهرين
تذهب الي الكنيسة وتترك امام صورة المسيح اكلها كي يأكله المسيح
وعندما علمت الأم هذا تضايقت وقالت لها
ياحبيبتي ايه يخليكي تسيبي سندوتشاتك في الكنيسة ؟؟ بابا يسوع في السما ودي مجرد صورة ليه
مش تسيبي اكلك في الكنيسة تاني وتاكليه كله لوحدك .. لان اكيد اللي بياكله حد من العمال
قالتله بس انا لما بروح تاني يوم ياماما مش بلاقي حاجه واكيد بابا يسوع بياكله
وظل يتناقشان حتي تدخل الوالد في الموضوع واقنع بنته
فدخلت نامت وهي تبكي في سريرها
وعند صباح يوم جديد ذهبت ساندي الي المدرسة وكان يراقبها والدها من بعيد كي يعرف هل ستسمع كلامه ام لا
فوجد ابنته مرت من امام الكنيسة دون ان تدخل
ففرح الاب ولكن فرحته لن تدوم عندما شاهد بنته تعود وتدخل الكنيسة وتخرج دون طعامها
فصاح الأب وقال ساندي وذهب اليها وقال لها لماذا لا تسمعين الكلام
قالتله عشان بابا يسوع كل لما بطلب منه حاجه بيعملهالي
وانا امبارح لما دخلت اعيط في السرير هو اللي جه وفضل يطبطب عليا لحد مانمت
قالها ياحبيبتي يطبطب عليكي ايه بس تعالي ندخل الكنيسة عشان تتأكدي ان اللي بياكل الاكل العمال
فدخل الأب الكنيسة ومعه ابنته ولم يجد السندوتشات امام صورة المسيح
ولكن سمعا صوت احد ياكل خلف الصورة .. وعندما نظرا اليه وجد راجل عجوز جالس يأكل
فقال له هل صدقتيني انه احد العمال
ومسك بأبنته وذهب الي هذا الرجل العجوز قائلا له
مش حرام عليك لما تاخد اكل بنت صغيرة وتاكله ياراجل انت
وأخذ من يداه الطعام ولكن يا للمفاجأة
اذ يري والد ساندي ثقبان في يد هذا الرجل العجوز
فنظر بأندهاش في وجهه
فوجد هذا الرجل يصغر في السن ويخرج ضوء من وجهه وبدأ يصعد بالتدريج من علي الارض قائلا
دعوا الاطفال ياتون الي ولا تمنعونهم لان لمثل هولاء ملكوت الله
ياريت نرجع ونبقي زي الاطفال .. نطلب من ربنا بأيمان ومن اعماق قلوبنا
هيسمعنا وهيتكلم معانا كمان
قبل ماننام نقوله تصبح علي خير يارب
واول مانصحي نقوله صباح الخير يارب
اطلبه تجده في الحال
الرب يفتح ذراعيه لك وينتظرك