عيد ميلاد ابونا
ابن طلب من ابوه انه يجبله بلاي استيشن
ابوه قاله مش وقته لأنه هيضرك مش هيفيدك خصوصا ان الامتحانات علي الأبواب
الولد قاله يابابا انا هجيبه وهشيله لحد بعد الأمتحانات
باباه قاله انت علشان عاوز اللعبة دي هتقولي ميت مبرر ولكن انا واثق انها هطعطلك عن حاجات كتيرة .. وصدقني في الوقت المناسب هتصحي من النوم هتلاقيها قدام عنيك
المهم الولد مقتنعش بكلام باباه وخاصمه ومبقاش بيكلمه ولا بيطلب منه حاجه
وفي اخر يوم في امتحاناته رجع من المدرسه لقي الزينه متعلقه في الشقة كلها
سأل اخواته ايه الزينه دي ؟؟
قالوله انت متعرفش ؟؟ ده انهارده عيد ميلاد بابا
قالهم اممممم طيب
قالوله انت مجبتلوش هديه ؟؟
قالهم لا طبعا واجبله ليه
قالوله ولا هتقوله كل سنة وانت طيب
قالهم ولا هقوله كل سنة وانت طيب
واول مادخل باباهم من باب البيت لقي النور كله مطفي
واول مالنور نور لقي الزينه متعلقه في الشقة كلها
واولاده كلهم بيتنططوا حواليه وبيقلوله كل سنة وانت طيب
وكل واحد جايبله هديه
راح باباهم انسحب بهدوء ودخل علي اوضة ابنه الزعلان وخبط علي بابا وقاله
مبروك الاجازة ياحبيبي هديتك اللي طلبتها مني اهه
الولد قام ونط وقعد يبوس باباه وقاله كل سنة وانت طيب يا احلي بابا في الدنيا
بس سامحني انا مجبتلكش هدية ...
فباباه قاله انت ليا اجمل هدية
الأحد مارس 15, 2015 2:03 pm من طرف ميرولا
