زوجة راحت لراجل عجوز مبروك شوية
وقالتله جوزي مطلع عيني ومش عارفه اعمل ايه معاه
علي طول يعاملني معاملة الجواري .. شوفلي اي طريقة تخلصني منه بيها ..
راح قالها طيب هاتيلي اي حاجه فيها رحته وتعالي
راحت البيت وبعد كم يوم رجعتله بقميص من قمصان جوزها
راح العجوز قالها .. ابسطي ياستي انا هريحك منه خالص ..
بعد تلات شهور جوزك هيقابل اللي خلقه
فرحت الست دي جداااااا وانبسطت انها اخيرا هتخلص من جوزها ..
وبعد كم يوم فاتوا
صعب عليها منظر جوزها وهو راجع من الشغل
تعبان علشان يجبلها فلوس هي وعيالها
وصعب عليها منظر عيالها اللي هيتيتموا بدري ويعيشوا من غير اب
وكان كل لما جوزها يرجع من شغله تتقطع وهي بتشوف عياله بيجري
وينطوا عليه ويحضنوه
جريت علي الراجل العجوز وقالتله خلاص انا مش عاوزة جوزي يقابل اللي خلقه ..
قالها الأمر خرج من ايدي ..
قالتله لو موقفتش مفعول العمل بتاعك انا هوديك في داهيه وافضحك
ضحك وقالها تفضحيني ازاي ؟؟ مش انتي اللي جيتيلي وجبتيلي قميصة .. يعني انتي كده هتفضحي نفسك مش هتفضحيني انا
زعلت الست جدا وبكت كتير وجريت علي بيتها
وقعدت تعامل جوزها بمنتهي الحنان اللي في الدنيا ..
وكانت حابه تسعده في اخر 90 يوم هيعيشهم معاها علي الارض
ومن معاملتها الحلوة مع جوزها لقت جوزها كمان بدأ يعاملها معاملة احلي منها بكتير
وعاشت معاه في الـ 90 يوم دول احلي ميت مرة من الـ 10 سنين جواز
اللي كانت عايشاهم معاه قبل كده ..
وبعد 90 يوم صحي الراجل وبدأ يصلي كعادته اول مايصحي من النوم
ولبس هدومه ونزل شغله عادي ..
مراته فرحت جدا وجريت علي الراجل العجوز
وقالتله الحمد لله مفعول سحرك اتوقف وجوزي ممتش ..
ربنا مأردش يرملني بدري ولا ييتم اولادي ..
ضحك العجوز وقالها وهو انا كنت قولتلك ان جوزك هيموت ؟؟
انا قولتلك هيقابل اللي خلقه .. وهو فعلا قابله لما صلاله ..
ماهي الصلاة بتكون حالة حوار بين الخالق والمخلوق ..
انتي علشان كان نفسك يموت ففهمتي الكلام علي رغباتك ..
واول ماعرفتي انك هتفقديه للأبد بدأتي تغيري من معاملتك السيئة ليه
وبالتالي معاملته اتغيرت معاكي لأن سوء معاملته
كانت رد فعل علي سوء معاملتك ليه ...
عامل من تحب وكأنك ستفدقه غداً ... ومثلما ستبدأ معاملتك بالخير
ستحصد خير معاملة الأخرين لك ...
أرملة مع ايقاف التنفيذ ..
الأحد مارس 15, 2015 2:03 pm من طرف ميرولا
