انا مش عارف انت لسه عايش ازاي ؟؟؟؟؟

معجـــــــــــــــــــــــزة للشهيد ابى سيفين وتماف ايرينى والبابا كيرلس ...والقديسان الطبيبان قزمان و دميان

انا مش عارف انت لسه عايش ازاي ؟؟؟؟؟

اعترف لك يا رب من كل قلبي عظيمة هي اعمال الرب و مشيئاته كلها محفوظة .. مز 110 : 1

اسمي وليم منصور عبد الملاك .. اقيم في اسيوط

اسجل هذه المعجزه لتروا كيف امتدت الي يد الله الشافية بشفاعة البطل ابو سيفين

بعد ان كنت اتناول يوميا وانا في المستشفي 33 قرصا من الحبوب تتكرر 3 مرات يوميا و 11 حقنه في اكتوبر 2006

لاحظت ظهور شئ مستدير مثل ليمونة صغيره في جنبي اليمين ومع الوقت ظلت تكبر في الحجم ولم اهتم بها و لظروف عملي كنت اقوم بقضاء كل احتياجات المنزل يوم الجمعة وفي مره وانا راجع ومعاياه الطلبات شعرت بثقل في رجلي اليمين فركبت تا كسي وكنت بحك بشده في جنبي اليمين ولاحظت احمرار لمنطقة الصرة وحتي الفخذ ولما زوجتي السيده نبيلة وتعمل كمشرفة عمليات بالمستشفي الجامعي باسيوط رات الورم مع الاحمرار قرعت صدرها وقالت ده سرطان قلتلها لا سرطان ولا حاجه ما انا عايش اهوه لو كان سرطان كنت فضلت عايش !!!!؟

ذهبت للمستشفي الجامعي باسيوط حيث تعمل زوجتي ده كان في شهر سبتمبر وكان الزحام كتيرلانها فتره امتحانات طلبة البكالوريوس عملت سونار وفحصني اربعه اطباء واحضر احدهم سرنجه 25 سم ووضعها في الورم بدون بنج وسحب منه عينة واعطي لي التقرير ولم يخبرني بشيئ فقط نصحني بالتوجه الي طبيب جراح اخذت التقرير وذهبت الي الاستاذ الدكتور علي عبد المطلب في عيادته الخاصة ولما عرف بانني زوج مدام نبيلة نصحني بالرجوع بعد فتره الامتحانات ذهبت الي مستشفي تابع لمطرانية اسيوط فنصحوني بالتوجه الي مستشفي القوات المسلحة لانها ممتازه ويحق لي العلاج بها لاني موظف مدني بالقوات المسلحة ذهبت لعملي وعملت خطاب تحويل لمستشفي القوات المسلحة حضرت حقيبتي واخبرت زوجتي اني مسافر في مامورية عشان مش تقلق عليا وتكون اعصابها هادية وعشان تنتبه للبيت وخصوصا اننا عندنا 5 اولاد وبنت ومازالوا محتاجين لرعاية وصلت القاهره ودخلت المستشفي وقابلني طبيب برتبة عقيد ( طلب عدم ذكر اسمه ) وبعد الكشف والاطلاع علي التقرير كتب لي علي دخول للمستشفي واجري بعض التحاليل اخبرته اني مدخن قالي افعل كل ما تريد في الحقيقة اهتم بي اهتماما كبيرا واخبرني انه فقط المسئول عن علاجي واوصاني واوصي كل هيئة التمريض بعدم قيام اي طبيب باخذ عينه مني او اعطائي اي دواء بخلاف ما يقرره هو بنفسه واظبت علي العلاج لمده 15 يوم وخلاالها كان يجري لي تحاليل واشعة ولما اخبرته اني عايز ارجع بيتي قالي لاازم تروح المجمع الطبي بالمعادي وتعمل اشعه ثلاثية الابعاد ذهبت بالفعل وانزعج الطبيب هناك وتعجب انني لا اصدر اي انين

وقال لي ايه يا ابني الي عندك ده ؟؟؟؟ دي بطنك كلها متلخبطه !!!!

انا مش عارف انت لسه عايش اذاي !!!؟؟؟؟؟

وحددلي استلام التقرير الاشعة بعد 3 ايام في الحقيقة اوقات كتير كنت بشعر بالالام رهيبة في البطن بس ما انكرش ان ربنا كان بيرفع عني الالم الزايد عن طاقتي استلمت الاشعة حسب الميعاد وكنت قلقان جدا من كلام الدكتور اخصائي الاشعة وانا راجع في شارع كورنيش النيل قريت يافطة لطبيب فطلعت العياده ودفعت الكشف فسالني الدكتور فين المدام فقلتلة انا الي ها اكشف فرد الطبيب وقالي ليه انت مش قريت اليافطة الي بره ؟؟؟فاجابته ب لا فاخبرني انه اخصائي نساء وولادة فبكيت ووضعت امامه الاشعة والتقارير وطلبت منه ان اعرف ما بهما بلظبط وبعد اطلاعه عليهم قام بتهدئتي ورد لي مبلغ الكشف وقالي انت كل الي عندك ورم بسيط حا يضيع بالعلاج فرجعت المستشفي تاني وقابلت الطبيب المختص بحالتي واستلم الاشعة واوصاني اكل كل ما اريد واوصي كل هيئه التمريض وليم يدخل ويخرج براحته محدش يمنعه عن حاجه في الحقيقة الشك ملي قلبي لانه من الطبيعي ان يمنع الطبيب المريض عن بعض الاموريعني بلاش تدخن الاكل ده ممنوع ومطلوب راحة لكن حدث معي العكس سمح لي بكل شيئ فقلت له من فضلك صارحني وعرفني الحالة وانا هقول لحضرتك حاجة اذا كنت انت خرجت اجيالا من الاطباء مش حتقدر تزود من عمري ثانيه ولو كنت متخرج امبارح مش ها تنقص من عمري ثانية ربنا وحده المتحكم بالاعمار رد الدكتور وقالي ايمانك ده هو الي مخليك صامت ومحتمل وصابر انا فعلا كنت شاعر بايد ربنا محافظة عليك فلم اتعرض لارتفاع الضغط ولا انهيار وفعلا صارحني وقالي انت عندك ورم وانه سيقوم باجراء عملية كان مسموحلي بالخروج لمده ساعتين وانا ماشي لقيت نفسي قريب من كنيسه الشهيد ابو سيفين بمصر القديمة فدخلت وقابلت ابونا برسوم فريد راعي الكنيسة وقلتله انا من الصعيد وحاليا في مستشفي القوات المسلحة وعرضت عليه صوره تقرير الاشعة فصلي لي واعطاني زجاجه زيت مصلي واخرج من جيبه صوراً وقالي" دول الي حيعملوا ليك العميلة " كان منها صوره للقديسين قزمان ودميان وصوره اخري للشهيد العظيم ابو سيفين وراهبة ولما سالته عنها عرفت انها امنا الغاليه تماف ايريني رئيسه دير ابو سيفين ولم اكن اعرفها او رايتها من قبل قابلت كمان ابونا سوريال راعي كنيسة الانبا شنوده رئيس المتوحدين بمصر القديمة وصلي لي ومن اليوم ده بدات اخد اذن لمده ساعتين كل يوم اربعاء وجمعة واحد واخرج لحضور القداس واذا لم أذهب كان ابونا يرسل لي قربانة بركة مع خدام الكنيسة انا مكنتش اعرف مكان الدير ولا دخلته قبل كده ولا عمري سمعت عن تماف ايريني انا كنت بحب البابا كيرلس والانبا ابرام وابونا عبد المسيح المناهري فجمعت صورهم كلهم ولصقتهم علي جنبي مكان الورم وكنت ابكي بحراره ودموع واعطيت تقرير الاشعة للخادم وطلبت منهم عرضي علي اي طبيب ومعرفة الحاله بالظبط فحضر لي الاخادم وقالي" يا عم وليم ما تزعلش انت عندك سرطان ضاغط علي الكبد وفتحه الشرج " ولاول مره عرفت حقيقة حالتي بالظبط كان سبق واتحدد ميعاد للعملية بتاعتي ثلاث مرات وفي كل مرة كانت بتتاجل وتتغير ميعادها وعرفت بعدها ان الاطباء خايفيين يعملوا العملية لانهم لو لمسوا الكبد حموت ولو لمسوا فتحه الشرج يبقي لاازم الاخراج يتجمع في كيس ويتغير من وقت للتاني وفي يوم جاء ثلاث او اربع دكاترة وهما بيكشفوا عليا سمعتهم يتهامسون

" نسيب صاحب الحالة دي يموت بدل ما نبهدله "

والتاني يقوله احنا نفتح نشوف الورم ونقفل "

والثالث يقولا لالا احنا نفتح ناخد عينة من الورم ونحلله

والرابع يقول لا احنا نشيل ونركب شبكة ونقفل او نسيبه لغايه ما ربنا يتولاه من الاخر ارائهم اختلفت اخيرا حددوا لي ميعاد للعملية الاثنين 4/12/2006 يعني يوم عيد الشهيد ابو سيفين فلما حضر الطبيب استاذنته في الاتصال باحد اولادي ليكون معي فقالي" يا وليم ستخرج من العملية وتجدني بجوارك انا واولادي وزوجتي " في يوم السبت 2/12/2006 حضر ابني شنوده من اسيوط وكنت قلقان جدا لمعرفتي بميعاد العملية فشربت كمية كبيرة جدا من السجاير وقبل النوم صليت بدموع وطلبت معونة من ربنا ومن القديسين الي حواليه وفي نصف الليل حوالي الساعة اثنين فوجئت بالمريض المقيم معي في نفس الحجره يقولي " يا عم وليم ... يا عم وليم ... "قلتله ايه في ايه فقالي ريحة بخور كنيسة عندك فقلتله انت اتجننت حتيجي منين ريحه بخور الكنيسة هنا ده تلااقيه عقب سيجارة لسه مولع بس هو فضل يؤكد ان الغرفة معبقة ريحه بخور كنيسه مش سجاير ونادي علي الحكيمة والطبيب النبطشي واكدوا فعلا ان ده ريحة بخور كنيسة وبالتالي رفض يبيت معايا وقالهم ده وليم بيحضر عفاريت فتم تفتيش الحجره تحت السرير ووراء الواليب يمكن تكون هناك نار مولعة موضوع عليها بخور وطبعا ما لقوش حاجة قضيت بقيه الليلة لوحدي كنت في كامل اليقظة وفعلا لاحظت ريحة بخور وتزداد في شدتها بعدها سمعت اصوات تسبيح وترانيم ولقيت الغرفة نورت نور فسفوري وشوفت قدامي البابا كيرلس والشهيد ابو سيفين والطبيبين قزمان ودميان وتماف ايريني واقترب مني البابا كيرلس وانا عارفه وقالي ايه يا يا وليم انت بتشوف نفسك غالي عندنا ولا لا ؟ نام ووريني الالم فين ؟فنمت ورفعت ملابسي فاقترب مني الشهيد ابو سيفين وتماف ايريني في زي الراهبة ولكن ملابسها بيضاءوالشهيدان قزمان ودميان ووضعوا ايديهم علي مكان الالم فشعرت كان في شيئ بينغبش فرفعت راسي عشان اشوف ايه الي بيحصل فقام البابا كيرلس مغطي راسي بالملاية فا استرخيت ونمت فتحت عيني كانت الساعة السادسه صباحا وانا بقولهم " انتوا لسه مخلصتوش ؟ فلم اجد احد بالغرفه فذهبت الي الحمام وحاولت انزع صوره الشهيد ابو سيفين وتماف ايريني الملصوقة علي جنبي كعادتي كل يوم عند الاستحمام واعيدها مره اخري ولكن بلا جدوي حاولت انزعها بالمياة ما عرفتش رجعت وجلست علي السرير وصممت اني انزع الصور باي طريقة نزعت بعضهم وفوجئت بنافوره دم فدخلت الحكيمة ورات الدم فسالت عن سببه فلم اخبرها بشئ فقالتلي انا ها انادي علي الدكتور يجي يشوفك فاعطيتها مبلغ من المال وقلتلها غيري الملايات وعدم اخبار الطبيب باي شئ وسبت لها الغرفة ونزلت الكافتيريا لاشرب شاي فحضرت رئيسة الحكيمات وابلغتني ان الطبيب وزميله يسالون عني بخصوص العملية وعايزينك تمر عليهم في المكتب قبل ما تصعد غرفتك وناداني الدكتور وقالي " تعالي يا رجل يا صعيدي وريناه جنبك النهارده" وانا واقف رفعت ملابسي فوجدته بدهشه كيير ه ينادي علي زميله ويقوله " تعالي شوف دا وليم حصلت معاه كرامة ( وبحسب تعبيره كلمه كرامة تعني معجزة ) وعندما وقفت امام طبيبي العقيد المتابع لحالتي فوجئت بيه يصفعني علي وجهي ويقولي" انا مش قلتلك محدش يقرب منك او ياخد منك عينه ؟؟مين الي اخد منك عينه ؟؟ قلتله يا دكتور محدش خد مني عينة دي حصلت معجزه قالي يعني ايه معجزة فرد زميله وقاله انا بقولك حصلت معاه كرامة فقام الطبيب واحتضني بفرحة شديدة واحضر اربعة صناديق من البيببس يووزعها علي الموجودين بالمستشفي وهو بيقول"دي حلاوه شفاء وليم العملية اتلغت " اجريت في نفس اليوم الاشعات اللازمة وكان التقرير" لا يوجد اثر للمرض " فضلت في المستشي بعدها اسبوع دون اخذ اي علاج وصرح لي الطبيب بالخروج وطلب مني الحضور بانتظام للمتابعة فضلت اتردد علي المستشفي كل خمسة عشر يوما لمده سته شهوروكان يجري لي خلالها اشعة تليفزيونية وتحاليل بول وبراز وصورة دم كاملة وكانت النتائج كلها سليمة تماما والاطباء في اسيوط قالوا لزوجتي وليم اتكتبله عمر جديد رجعت البيت وكان الجميع في حالة من الضحك والبكاء من شده ما غمرنا الله به من عظائم ووقفنا كلنا نمجد الله وقديسيه اشكر ربنا لاني عرفت مكان الدير لاول مره وقد اتيت اليوم 13/6/2008 لكي اسجل هذه المعجزه وكانت العملية التي اجرتها لي السماءعبارة عن ثلاث فتحات يكونون مع الصرة شكل صليب وهذه الاثار الجراحية موجوده بالفعل في الجسم وعاينها كل من سمع بالمعجزة وكذلك ابائي الكهنة في كنيسة الشهيد ابو سيفين بمصر القديمة وكل من تقابلت معه في الدير بركة وشفاعة الشهيد العظيم ابو سيفين وامنا تماف ايريني والطبيبان قزمان ودميان والبابا كيرلس مع جميعنا اجمعين .. يا رب مد ايدك و انزع كل مرض عن اولادك

» ازاي قلبك يطوعك
» شوفوا سيدة رد عليه ازاي
» هي علاقتي بيك يارب عامله ازاي ؟
» عارف يعنى ايــــــــــــــــــــــــــــــه؟
» أنا عارف أعمالك