ليه بتكـفرني يا انسان يا اللي ضللك الشيطـان
طول عمره كذاب ومخادع و بيـكره اصــل الانســان
خد قلبك واداك حجر خلاك تحصد ارواح بـشر
والشر في الارض انتشر لما الشـيطان فـيك انتــصر
وكفف عينيك عن البصر وغدرت باخوك واخوك غفر
ما هوأصله حاقد ع البشر من يوم ما قابيل بهابيل غدر
هدفه يلوث تفكـيرك يـضللك ويدمـر غـيرك
لما تكفر اخوك وتحاربه والهـلاك يبـقي مصـيرك
ده الشيطان من كذبه يبان مهما كان كذبه باتـقان
بيكفر حبك لالهك وبيثنـيك عن الايمــــان
مرة يقول خالق ديان ومـرة يقول لا اله ولا كـان
بيحاول لجنوده يضمك علشان يملا الارض زوان
اسمع يا ابني يا انسان واحكم بالـروح والبيـان
اللي كان من قبل الكون ونهاية العالم به تبـان
واللي أقام الموتي وأحيي يــبقي إله ولا انســــان
واللي بيشفي ويغفر ذنبك يبـقي مين غير الحنـــان
القدوس الخالي م الشر اللي قداسته في سيرته تبان
واللي هو الروح والكلمة للاله قبـــل الاكـــــوان
هو الــــــــــه ولا انسان؟
اللي جه م السما علشاني يمسح من قلبي الاحزان
و اللي بدمه الغالي فداني لما خد صورة الانسان
واللي بيخرج الشيطان بامـــــــر منه وبســـــلطان
واللي خلق عينان للاعمي من مادة خلق الانسان
لما في التراب تفل وخلق منه العينان
وإزاي من نفس التراب خلقك إنت يا انسان
اللي جه م السما وفداني وقام م الموت ورجعلها تاني
واللي ها ييجي علي السحاب للمجازاة في مجيئه الثاني
يبقي الـــــــه ولا انسان؟
يبقي الــــه في جسد انسان....
وإزاي ترفض رب إله وتصدق لعبيد الله؟
دا اللي في مهده إتبشر بيه وإتقالت عنه نبؤات
جاي بتقول له إزاي وليه تيجي مصلوب عني بالآمات؟؟
واللي سلبك وسفك دمك ما بتسأله فين الدلالات؟؟ ما أعجب أمرك يا ولداه!!!
الأحد مارس 15, 2015 2:03 pm من طرف ميرولا
