عارف يعني ايه "كل الاشياء تعمل معا للخير للذين يحبون الله "

عارف يعني ايه "كل الاشياء تعمل معا للخير للذين يحبون الله "
يعني كل حاجة بتحصلك دلوقتي ربنا قاصد بيها الخير
يعني كل اللي مضايقك دلوقتي هيكون سبب فرحك بعدين
يعني تقبل التجربة من ايد ربنا وما تخافش ما هو كله للخير ....
عارف يعني ايه "لكل شيء تحت السماء وقت "
يعني ما تستعجلش ربنا بيحضرلك اللي يفرحك ولسه ما جاش وقته
يعني اصبر عشان تحصل ع اجمل شيء تتمناه
يعني ما تقولش ربنا ناسيني وانا مش ع باله
هو بيحضر لك طلبك بس بياخد وقته ....
عارف يعني ايه "اطلبوا اولا ملكوت الله وبره وهذه كلها تزاد لكم "
يعني الدنيا ماهي الا قنطرة نعبر من خلالها لنصل الى الحياة الابديه حيث ما لم تره عين ومالم تسمع به اذن
يعني ما تطلبش م ربنا ما هو فاني واطلب منه ما هو باقي
عارف يعني ايه "باطل الاباطيل الكل باطل وقبض الريح "
يعني دي دنيا فانيه وباطله ما تقدرش تخرج منها باي حاجه فزي ما دخلتها عريان هتخرج عريان
يعني لا تكنزوا لكم كنوزا ع الارض حيث يفسد السوس والصدأ
عارف يعني ايه "نقشتكم ع كفي من يمسكم يمس حدقة عيني "
يعني ما تخافش طول مانت ف ايد رب الارباب هو لن يتركك ابدا وان تركته انت
يعني لا تخافوا من الذين يقتلون الجسد
عارف يعني ايه " معك لا اريد شيئا على الارض "
يعني يارب حبك ليا مكفيني ومش محتاج اكتر من كده
يعني يارب انت ابويا ولا احتاج سواك
اطلب ربنا بس وقوله يارب لتكن ارادتك في حياتي قوله يارب دبر حياتي كما يليق فانت وحدك من تعرف ما هو صالح لا تعتمد ع نفسك او ع اي شخص ف "ملعون كل من اتكل على زراع بشر "